ในบทความนี้
อ่านรีวิวภาษาไทย >> รีวิว Acer Liquid Z220 หน้าตางามๆ ในราคาเบาๆเพียง 2990 บาท
Acer Liquid Z220 ການອອກແບບທີ່ສວຍງາມ ລາຄາຖືກເຫລືອເຊື່ອ!! ແລະ ຍັງມາພ້ອມກັບ Android 5.0 Lollipop.
Acer Liquid Z220 ເປັນສະມາດໂຟນທີ່ຮູ້ສຶກວ່າມີການອອກແບບທີ່ສວຍງາມທີ່ສຸດ ຫນ້າຕາຄືກັນກັບ Acer Liquid Z520 ເລີຍ ເປັນການອອກແບບລ່າສຸດຈາກທາງ Acer ທີ່ໄດ້ແຮງບັນດານໃຈຈາກລວດລາຍຂອງຜ້າໄຫມ ແລະ ໂມງສະວິສສຸດຫລູຫລາ ແລະ ທົນທານ ໂດຍຈະມີໃຫ້ເລືອກສອງສີ ໄດ້ແກ່ ສີດຳ ແລະ ສີຂາວ ໂດຍມີລາຄາຍ່ອມເຍົາທີ່ ລາຄາປະມານ 747.000 ກີບເທົ່ານັ້ນ!! (ພິມບໍ່ໄດ້ຜິດເດີ….ລາຄານີ້ແທ້ໆ) ແຖມຍັງມາພ້ອມກັບ Flip Case ອີກດ້ວຍ ລາຄາເບົາໆແບບນີ້ມີແຖມມາໃຫ້ອີກ ຖືວ່າສຸດຄຸ້ມໄປເລີຍ!! ແຖມຍັງຮອງນັບ 3ຈີ ທັງສອງຊິມອີກດ້ວຍ ແລະ ຍັງມາພ້ອມກັບ Android 5.0 Lollipop ຕັ້ງແຕ່ເປີດໂຕເລີຍ!.
ສະເປັກ Acer Liquid Z220
- ຮອງຮັບ 2 ຊິມ (3G ທັງ 2 ຊິມ)
- 3G HSDPA 900 / 2100
- ຫນ້າຈໍ TFT ຂະຫນາດ 4 ນີ້ວຄວາມລະອຽດ 480 x 800 pixels (233 ppi)
- Android 5.0 Lollipop
- CPU Qualcomm Snapdragon 400 MSM8926 1.2GHz
- GPU Adreno 305
- RAM 1GB
- ຫນ່ວຍຄວາມຈຳພາຍໃນ 8GB ສາມາດເພີ່ມຫນ່ວຄວາມຈຳພາຍນອກໄດ້ສູງສຸດ 32GB
- Wi-Fi 802.11 b/g/n, hotspot
- Bluetooth 4.0, A2DP
- Micro USB 2.0
- GPS
- ລະບົບເຊັນເຊີ້ Accelerometer
- ກ້ອງຄວາມລະອຽດ 5 MP
- ກ້ອງຫນ້າຄວາມລະອຽດ 2MP
- ແບັດເຕີລີ້ຄວາມຈຸ 1300 mAh
- ລາຄາເປີດໂຕ ປະມານ 747.000 ກີບ.
ຢ່າງທີ່ເຄີຍບອກ ກ່ອງຂອງ Acer Liquid Z220 ອອກແບບສວຍງາມດີໃສ່ Concept ໃນເລື່ອງຂອງການອອກແບບລົງໄປໃນກ່ອງດ້ວຍຈະມີ Acer Liquid Z220, ຄູ່ມື, ຫູຟັງແບບ Earbud , ສາຍ Micro USB, ຫົວປັກສຽບ, ແບັດຯຄວາມຈຸ 1300 mAh ແລະ Flip Case (ເວລາໃຊ້ຕ້ອງປ່ຽນຝາຫລັງ)
Acer Liquid Z220 ໂຕເຄື່ອງອອກແບບສວຍງາມຫລາຍຢ່າງທີ່ບອກວ່າໄດ້ແຮງບັນດານໃຈຈາກລວດລາຍຂອງຜ້າໄຫມ ແລະ ໂມງແບບສະວິສ ວັດສະດຸທັງເຄື່ອງເປັນປາສຕິກດ້ານໆ ທົນທານ ແລະ ເປັນຮອຍລວມທັງສົກກະປົກໄດ້ຍາກ ເຖິງຈະເປັນສີຂາວກໍ່ຕາມ ແລະ ງານປະກອບຕ່າງໆເບິ່ງແລ້ວກໍ່ຮຽບຮອ້ຍດີ.
ຫນ້າຈໍ TFT ຂະຫນາດ 4 ນີ້ວຄວາມລະອຽດ 480 x 800 pixels (233 ppi) ແຕ່ຫນ້າຈໍມີມຸມມອງທີ່ແຄບ ຫນ້າຈະໃສ່ເປັນຫນ້າຈໍ IPS ມາແທນ, ສຽງສົຍທະນາດັງຊັດເຈນດີ ແລະ ລຸ້ນນີ້ຈະມີລຳໂພງດຽວ, ລຳໂພງບໍລິເວນຕຳແຫນ່ງສົນທະນາຈະເປັນລຳໂພງໂຕເຄື່ອງໄປໃນໂຕ ສຽງດັງຫລາຍ ເວລາເປີດດັງສຸດມີແຕກເລັກນ້ອຍ ແລະ ດ້ານຫນ້າມີກ້ອງຄວາມລະອຽດ 2MP ມາໃຫ້ ປຸ່ມຄວບຄຸມຕ່າງໆຈະໄປຢູ່ເທິງຫນ້າຈໍ.
ສ່ວນດ້ານຫລັງກໍ່ສວຍງາມຄືກັນຄ້າຍກັບລາຍຜ້າ ຈັບແລ້ວສາກມືດີ ເປັນຮອຍຍາກ ລວມທັງໍ່ສົກກະປົກເພາະເຊັດທຳຄວາມສະອາດໄດ້ງ່າຍ ມາພ້ອມກັບກ້ອງຄວາມລະອຽດ 5 MP ແລະ ໄຟແຟລສ LED.
ຂອບໂຕເຄື່ອງໄດ້ແຮງບັນດານໃຈຈາກໂມງສະວິສ ສາກໆມືຊ່ວຍໃຫ້ຈັບໄດ້ຖະຫນັດລວມທັງຍັງສວຍງາມແບບເທ່ໆອີກດ້ວຍ ດ້ານເທິງຈະມີຊ່ອງຫູຟັງຂະຫນາດ 3.5 ມມ. ແລະ Port Micro USB ສ່ວນດ້ານລຸ່ມຈະມີຮ່ອງນອ້ຍໆ ສຳລັບແກະຝາຫລັງ ແລະ ຊ່ອງໄມໂຄຣໂຟນ.
ດ້ານຊ້າຍຈະລຽບໆ ບໍ່ມີຫຍັງ ສ່ວນດ້ານຂວາຈະມີປຸ່ມປັບລະດັບສຽງ ແລະ ປຸ່ມ Power.
Acer Liquid Z220 ຮອງຮັງການໃຊ້ງານສອງຊິມ ແຖມຍັງຮອງຮັບ 3ຈີ ທັງສອງຊິມອີກດ້ວຍ ແລະ ມາພ້ອມກັບແບັດຯຂະຫນາດ 1300 mAh ຂ້ອນຂ້າງໃຫ້ມາຫນ້ອຍ ຈາກການທົດສອບແບັດຯບໍ່ຄ່ອຍຢູ່ໄດ້ດົນປານໃດ ແຕ່ກໍ່ໃຊ້ງານໄດ້ຍາວນານພໍສົມຄວນ. ຫນ້າຈະເປັນເພາະສະເປັກ ແລະ ຂະຫນາດ ລວມທັງຄວາມລະອຽດຫນ້າຈໍທີ່ບໍ່ສູງຫລາຍ.
ໃນກ່ອງ Acer Liquid Z220 ຈະແຖມ Flip Case (ເວລາຈະໃຊ້ຕອ້ງປ່ຽນຝາຫລັງ) ມາໃຫ້ເລີຍບໍ່ຈຳເປັນຊື້ເພີ່ມ ຫນ້າຕາສວຍງາມດີ ແລະ ຮອງຮັບຟັງຊັ່ນເປີດ-ປິດ ຫນ້າຈໍອັດຕະໂນມັດດ້ວຍ (ຕ້ອງໄປຕັ້ງຄ່າໃນ Setting) ເຊິ່ງຫນ້າສົນໃຈຫລາຍ ແຖມຍັງເພີ່ມມາໃຫ້ຟຣີໃນຊຸດຈຳຫນ່າຍເລີຍທັງທີ່ Acer Liquid Z220 ຂາຍພຽງແຕ່ ເຈັດແສນກວ່າກີບເທົ່ານັ້ນເອງ (747.000 ກີບ)
ທົດສອບດ້ວຍ AnTuTu Benchmark ໄດ້ຄະແນນ 14999 ຄະແນນ
ທົດສອບດ້ວຍ NenaMark 2 ເຮັດໄປໄດ້ 52.9 fps
ຮອງຮັບ MultiTouch 2 ຈຸດ
GPS ຈັບສັນຍານໄວດີ
Acer Liquid Z220 ຫນ້າສົນໃຈບ່ອນວ່າເຖິງວ່າຈະເປັນລຸ້ນນ້ອຍ ລາຄາພຽງ 747.000 ກີບ ແຕ່ກໍ່ເປີດໂຕມາພ້ອມ Android 5.0 Lollipop ເຊິ່ງທາງ Acer ບໍ່ໄດ້ປັບແຕ່ງເພີ່ມຕື່ມຫຍັງເລີຍ ຈົນອາດເວົ້າໄດ້ວ່າເປັນ Pure Google Phone ເລີຍກໍ່ວ່າໄດ້ ເຊິ່ງເຫມາະສົມດີ ເພາະດ້ວຍຫນ້າຈໍ ແລະ ສະເປັກຂະຫນາດນີ້ ການຈະປັບແຕ່ງເພີ່ມຕື່ມຄວາມສາມາດຕ່າງໆຂອງ Acer ລົງໄປກໍ່ຈະບໍ່ເຫມາະສົມ ສຳລັບການໃຊ້ງານຕ່າງໆຍັງມີອາການຫນ່ວງຢູ່ເລັກນອ້ຍ ແລະ ຄວາມລ່ຽນໄຫລຍັງບໍ່ໄດ້ດີຫລາຍ ແຕ່ກໍ່ຢ່າງທີ່ເວົ້າມາ ເຫມະສົມກັບລາຄາແລ້ວ.
Acer Liquid Z220 ມາພ້ອມກັບຟັງຊັ່ນ Quick Mode ສາມາດສະຫລັບປ່ຽນ UI ໃຫ້ເຫມາະສົມກັບຜູ່ໃຊ້ຫລາກຫລາຍໄວ ແລະ ປະເພດ ເຊິ່ງມີໃຫ້ເລືອກ 3 ແບບ ແລະ Acer BTOC ແອັບຯ Cloud ສ່ວນໂຕຂອງເຮົາເອງ ຈຸດເດັ່ນຂອງແອັບຯນີ້ຄື ບໍ່ວ່າຈະໃຊ້ລະບົບປະຕິບັດການໃດ ກໍ່ສາມາດເຂົ້າເິຖງຂໍ້ມູນຂອງເຮົາໄດ້ ແລະ System Doctor ເປັນລະບົບກວດສອບຫນ່ວຍຄວາມຈຳ ແລະ ການໃຊ້ງານ ໃນສ່ວນຂອງແຣມ ແລະ ແອັບຯໃນເຄື່ອງ.
ທົດສອບຫລີ້ນວີດີໂອຄວາມລະອຽດ Full HD 1080p ກໍ່ຫລີ້ນໄດ້ສະບາຍ ລ່ຽນໄຫລດີບໍ່ມີບັນຫາ.
ມາພ້ອມກັບເຄື່ອງຫລີ້ນເພັງມາດຕະຖານຂອງ Google ສາມາດປັບແຕ່ງ Equalizer ໄດ້ຢ່າງຫລາກຫລາຍ. ສຳລັບ Acer Liquid Z220 ຈະບໍ່ມີລະບົບສຽງ dts ຄືກັບລຸ້ນອື່ນໆ ແລະ ລຸ້ນນີ້ຍັງມີວິທະຍຸມານຳອີກ.
ທົດສອບດ້ວຍເກມຢ່າງ Beast Busters Featuring KOF ຫລີ້ນໄດ້ລ່ຽນໄຫລດີ ພົບວ່າມີອາການຫນ່ວງຫນ້ອຍຫລາຍ ແຕ່ເນື່ອງຈາກລຸ້ນນີ້ຮອງຮັບ MultiTouch 2 ຈຸດແຖມຍັງບໍ່ສົມບູນເວລາທົດສອບລາກນີ້ວໄຂ່ວກັນ ຈະບໍ່ສາມາດຕັດກັນໄດ້ເັຮດໃຫ້ເວລາຫລີ້ນ ບໍ່ສະດວກປານໃດ.
Acer Liquid Z220 ມາພ້ອມກັບກ້ອງຄວາມລະອຽດ 5MP ແລະ ກ້ອງຫນ້າຄວາມລະອຽດ 2MP ເມນູກ້ອງຖ່າຍຮູບຂອງ Acer Liquid Z220 ອອກແບບສວຍງາມມີລູກຫລີ້ນມາໃຫ້ໃຊ້ ແລະ ລຸ້ນນີ້ສາມາດແຍກຈຸດໂຟກັສ ແລະ ຈຸດວັດແສງອອກຈາກກັນໄດ້ດ້ວຍ ໂດຍໃຊ້ນີ້ວເລືອກແຕະຈຸດທີ່ຕ້ອງການວັດແສງກ່ອນ ຈາກນັ້ນກໍ່ໃຊ້ນີ້ວລາກຈຸດວັດແສງອອກມາຈາກຈຸດໂຟກັສ ໄດ້ຄືກັບລຸ້ນໃຫຍ່ອື່ນໆເລີຍ.
ຄຸນນະພາບຕອ້ງບອກວ່າເກີນຄາດ ສຳລັບສະມາດໂຟນລາຄາປະຫຍັດແບບນີ້ ເຮັດໄດ້ດີຫລາຍ ທັງກ້ອງຫລັງ ແລະ ກ້ອງຫນ້າ ມາຊົມຕົວຢ່າງພາບຖ່າຍຂອງ Acer Liquid Z220 ກັນ!!
ຕົວຢ່າງພາບຖ່າຍຂອງ Acer Liquid Z220
ຂໍ້ດີຂອງ Acer Liquid Z220
- ໂຕເຄື່ອງອອກແບບສວຍງາມຄືກັນກັບ Acer Liquid Z520 ມີ concept ໃນເລື່ອງລວດລາຍຂອງຜ້າໄຫມ ແລະ ໂມງແບບສະວີສ.
- ເປີດໂຕມາພ້ອມ Android 5.0 Lollipop.
- ພາບລວມຄຸ່ມຄ່າຫລາຍໃນລາຄາ 747.000 ກີບເທົ່ານັ້ນ.
- ຮອງຮັບການໃຊ້ງານ 2 ຊິມ ແລະ ໃຊ້ງານ 3ຈີ ໄດ້ທັງສອງຊິມ.
- ກ້ອງຄວາມລະອຽດ 5MP ຄຸນນະພາບດີເກີນຄາດ.
- ລາຄາຖືກແຕ່ຍັງແຖມ Flip Case ມາໃຫ້ອີກດ້ວຍ.
ຂໍ້ດ້ອຍຂອງ Acer Liquid Z220
- ແບັດຯຄວາມຈຸ 1.300 mAh ຂ້ອນຂ້າງໃຫ້ມາຫນ້ອຍ ບໍ່ກຸ້ມດົນ.
- ການໃຊ້ງານຢາກຫນ່ວງໆ ບໍ່ລ່ຽນໄຫລດີ.
- ຮອງຮັບ MultiTouch 2 ຈຸດ ແລະ ຍັງບໍ່ສົມບູນເວລາທົດສອບລາກນີ້ວໄຂ່ວກັນຈະບໍ່ສາມາດຕັດກັນໄດ້ ຈະມີບັນຫາເວລາຫລີ້ນເກມ.
Acer Liquid Z220 ເປັນສະມາດໂຟນທີ່ຫນ້າສົນໃຈໃນລາຄາເບົາໆພຽງ 747.000 ກີບ ທັງຫນ້າຈໍ, ສະເປັກ ແລະ ການໃຊ້ງານຖືວ່າຍັງພໍໃຊ້ງານໄດ້ ໃນລະດັບທີ່ຫນ້າພໍໃຈໃນງົບເທົ່ານີ້. ທີ່ໂດດເັດ່ນເລີຍຄືໃນສ່ວນຮອງຮັບການໃຊ້ງານ 3ຈີ ທັງ 2 ຊິມ ແລະ ກ້ອງຄຸນນະພາບທີ່ວາງໃຈໄດ້ ແລະ ທີ່ຕ້ອງຊົມເຊີຍທີ່ສຸດຄືເລື່ອງຂອງການອອກແບບ ເປັນສະມາດໂຟນລາຄາ 747.000 ກີບ ທີ່ສວຍງາມຫລາຍ ລາຄາເບົາໆແຕ່ໄດ້ເຄື່ອງສວຍງາມແບບນີ້ ແຖມຍັງມີ Flip Case ມາໃຫ້ແບບຟຣີໆອີກ ແບບນີ້ຄຸ້ມສຸດໆ!!
[gradeC]
