samsung galaxy s6 review

Samsung Galaxy S6 ແລະ S6 Edge ເປັນການປ່ຽນແປງຄັ້ງໃຫຍ່ທີ່ Samsung ມີຄວາມຕັ້ງໃຈຫລາຍທີ່ຈະຜະລິດຕະກູນ Galaxy S ທີ່ດີຍິ່ງກວ່າເກົ່າ ແລະ ພັດທະນາເລື່ອງຂອງການອອກແບບ ແລະ ວັດສະດຸໃຫ້ມີລະດັບຫລາຍຍິ່ງຂຶ້ນ ເຊິ່ງຈາກຜົນລັບທີ່ອອກມາເຊື່ອວ່າຫລາຍໆຄົນຫນ້າຈະປະທັບໃຈໃນລຸ້ນນີ້ ເພາະຄວາມສວຍງາມສະດຸດຕາ ສຳລັບຮູບຮ່າງຂອງ Samsung Galaxy S6 ແລະ Samsung Galaxy S6 Edge ຈະມີລັກສະນະໂຄ້ງມົນ ຂະຫນາດໂຕເຄື່ອງກຳລັງພໍເຫມາະມື ແຕ່ສ່ວນຕົວຄິດວ່າຫນ້າຈໍນ້ອຍກວ່າທີ່ຄິດເອົາໄວ້ໃນຕອນທຳອິດ ເຊິ່ງຄິດວ່າຈະມາພ້ອມຫນ້າຈໍປະມານ 5.5 ນີ້ວ ແຕ່ເມື່ອອອກມາໂຕຈິງແລ້ວທັງຄູ່ມີຫນ້າຈໍຢູ່ທີ່ຂະຫນາດ 5.1 ນີ້ວ ໂດຍຈະເປັນຫນ້າຈໍ Super AMOLED ແລະ ມີຄວາມລະອຽດລະດັບ QHD ເຊິ່ງເປັນມາດຕະຖານໃຫມ່ຂອງສະມາດໂຟນລະດັບ ສູງສຸດ (Flagship) ໃນຍຸກນີ້. สำหรับรีวิว Samsung Galaxy S6 ภาษาไทย ติดตามอ่านได้ที่นี่ครับ <<<คลิ๊ก ສະເປັກຂອງ Samsung Galaxy S6 3G HSDPA 850 / 900 / 1900 / 2100MHz 4G LTE HSPA 42.2/5.76 Mbps, LTE Cat6 300/50 Mbps ຂະຫນາດໂຕເຄື່ອງ 143.4 x 70.5 x 6.8 ມມ. ນ້ຳຫນັກ 138 ກຣາມ ຫນ້າຈໍ Super AMOLED capacitive touchscreen, 16M colors ຂະຫນາດ 5.1 ນີ້ວຄວາມລະອຽດ 1440 x 2560 pixels (577 ppi) ກະຈົກປ້ອງກັນຮອຍຂູດຂີດ Gorilla Glass 4 ທັງດ້ານຫນ້າ ແລະ ດ້ານຫລັງ Heart Rate Fingerprint sensor (PayPal certified) Samsung Pay (Visa, MasterCard certified) Wireless charging (Qi/PMA) Android 5.0.2 Lollipop ປັບແຕ່ງທັບດ້ວຍTouchWiz UI ຮູບແບບໃຫມ່ CPU Exynos 7420 Quad-core 1.5 GHz Cortex-A53 & Quad-core 2.1 GHz Cortex-A57 GPU Mali-T760 RAM 3GB ຫນ່ວຍຄວາມຈຳພາຍໃນຈະມີໃຫ້ເລືອກ 3 ຄວາມຈຸ 32/64/128GB Wi-Fi 802.11 a/b/g/n/ac, dual-band, Wi-Fi Direct, hotspot Bluetooth 4.0, A2DP, LE, apt-X NFC Infrared Port Micro USB 2.0, MHL 3 TV-out, USB Host GPS, GLONASS, Beidou ເຊັນເຊີ້ Accelerometer, gyro, proximity, compass, barometer, heart rate, SpO2 ກ້ອງຫລັງຄວາມລະອຽດ 16 MP, F 1.9, 2988 x 5312 pixels, optical image stabilization, autofocus, LED flash, Geo-tagging, touch focus, face detection, Auto HDR, panorama ບັນທຶກວີດີໂອຄວາມລະອຽດ 2160p@30fps, 1080p@60fps, 720p@120fps, HDR, dual-video rec. ກ້ອງຫນ້າຄວາມລະອຽດ 5 MP, 1080p@30fps, dual video call, Auto HDR ແບັດເຕີລີ້ຄວາມຈຸ 2550 mAh ມີໃຫ້ເລືອກ 4 ສີໄດ້ແກ່ White Pearl, Black Sapphire, Gold Platinum, Blue Topaz ລາຄາເປີດໂຕຄວາມຈຸ 32GB ລາຄາ 23900 ບາດ ຫລື ປະມານ 5.975.000 ກີບ ວັດສະດຸໂຕເຄື່ອງຂອງ Samsung Galaxy S6 ແລະ Samsung Galaxy S6 Edge ຈະເປັນກະຈົກ ແລະ ໂລຫະ (ກະຈົກປ້ອງກັນຮອຍຂູດຂີດ Gorilla Glass 4 ທັງດ້ານຫນ້າ ແລະ ດ້ານຫລັງ) ໂຕເຄື່ອງເຖິງວ່ານະໃຊ້ວັດສະດຸ ພຣີມ້ຽມ ຂະຫນາດນີ້ແຕ່ກໍ່ມີນ້ຳຫນັກເບົາ ຫນັກພຽງແຕ່ 132 ກຣາມ ແລະ 138 ກຣາມເທົ່ານັ້ນ (Samsung Galaxy S6 Edge ເບົາກວ່າ) ດ້ານຫນ້າບໍລິເວນປຸ່ມໂຮມ ຍັງຄົງມາພ້ອມກັບ FingerPrint Sensor ແຕ່ພັດທະນາໃຫ້ໃຊ້ງານໄດ້ງ່າຍຍິ່້ງຂຶ້ນ ໂດຍໃຊ້ວິທີແຕະແບບ iPhone ແລ້ວບໍ່ຕ້ອງລູບຄືແຕ່ກ່ອນ. ດ້ານຫລັງກ້ອງຈະນູນຂຶ້ນມາເຊິ່ງຕ້ອງໄດ້ລະວັງກັນເປັນພິເສດ ແຕ່ການອອກແບບລັກສະນະນີ້ກໍ່ເຮັດໃຫ້ສວຍງາມໄປອີກແບບ ແລະ ຫລິ້ນສີໃຫ້ເຂົ້າກັບໂຕເຄື່ອງໄດ້ດີ ກອ້ງຂອງ Samsung Galaxy S6 ແລະ Samsung Galaxy S6 Edge ຈະມາພ້ອມກ້ອງຄວາມລະອຽດ 16MP, F1.9 ແລະ ກ້ອງຫນ້າຄວາມລະອຽດ 5MP, F1.9 ເຊັ່ນກັນຊ່ວຍໃຫ້ສາມາດຖ່າຍພາບໃນສະພາບວະທີ່ແສງຫນ້ອຍໄດ້ດີຂຶ້ນຫລາຍ ແລະ ກ້ອງຫລັງຂອງ Samsung Galaxy S6 ແລະ Samsung Galaxy S6 Edge ນີ້ຈັດໃນລະດັບສຸດຍອດໄປເລີຍເຖິງວ່າຈະໃຊ້ເຊັນເຊີ້ໂຕດຽວກັບ Samsung Galaxy Note 4 ແຕ່ເທົ່າທີ່ທົດສອບຖ່າຍພາບມາເຫັນວ່າຫນ້າປະທັບໃຈຫລາຍ ສຸດຍອດທັງພາບກາງເວັນ ແລະ ກາງຄືນ. ສຳລັບ Samsung Galaxy S6 ແລະ Samsung Galaxy S6 Edge ຈະມາພ້ອມ Heart Rate ເຊິ່ງຕອນນີ້ພື້ນຜິວສະເຫມີກັບຝາຫລັງແລ້ວ ຊ່ວຍໃຫ້ແຕະໄດ້ຖະຫນັດຍິ່ງຂຶ້ນ ແລະ ສາມາດແຕະເປັນຊັດເຕີ້ ເວລາຖ່າຍ Selfie ໄດ້ອີກດ້ວຍ ແລະ ຍັງມາພ້ອມກັບ Wireless Charging (Qi/PMA) ໃນໂຕບໍ່ຕ້ອງປ່ຽໜຝາຫລັງ ແຖມຍັງມາພ້ອມກັບນະວັດຕະກຳໃຫມ່ໃນເລື່ອງແບັດເຕີລີ້ ໂດຍສາກໄຟພຽງ 10 ນາທີສາມາດໃຊ້ງານໄດ້ດົນເຖິງ 4 ຊົ່ວໂມງກັນເລີຍ. Samsung Galaxy S6 Edge ມາພ້ອມກັບ Infared Port ສຳລັບໃຊ້ງານເປັນ Remote, ຊ່ອງໃສ່ຊິມຈະຢູ່ດ້ານເທິງ ແລະ ດ້ານນີ້ແຫລະທີ່ສາວົກ Apple ທັບຖົມສາວົກ Samsung ເພາະມັນໄປຄ້າຍ iPhone ເອົາແທ້ໆ ແຕ່ມັນກໍ່ຄ້າຍແຕ່ບໍລິເວນນີ້ແຫລະ ^-^ Samsung Galaxy S6 ຈະເຮັດເປັນບາກໄວ້ຢູ່ບໍລິເວນນີ້ ນອກຈາກຈະເທ້ແລ້ວຍັງຊ່ວຍໃຫ້ຖືໄດ້ຖະຫນັດ ບໍ່ຫລຸດມືອີກດ້ວຍ ແລະ ຊ່ອງໃສ່ຊິມຈະຢູ່ທາງດ້ານຂວາ ຄົນລະຕຳແຫນ່ງກັບ Samsung Galaxy S6 Edge Samsung Galaxy S6 ມີແບັດເຕີລີ້ໃນລະດັບການໃຊ້ງານແບບປົກກະຕິ ເຊິ່ງກໍ່ມີຈຸດເດັ່ນຢູ່ບ່ອນເຕັກໃນໂລຊີສາກໄວມາໃຫ້ໄດ້ໃຊ້ງານກັນ ເຊິ່ງມັນກໍ່ພໍຈະທົດແທນກັນໄດ້ຢູ່ ແນະນຳໃຫ້ຖື Power Bank ໄປນຳຈະແນ່ນອນກວ່າ. ທົດສອບດ້ວຍ Quadrant Standard ໄດ້ຄະແນນ 35583 ຄະແນນ ທົດສອບດ້ວຍ AnTuTu Benchmark ໄດ້ຄະແນນ 62908 ຄະແນນ ທົດສອບດ້ວຍ NenaMark 2 ເຮັດໄປໄດ້ 59.7fps ຮອງຮັບ Multitouch 10 ຈຸດສົມບູນ ສຸດຍອດ........ຄະແນນທົດສອບທັງໂຫດ ແລະ ແຮງຂັ້ນມະຫາເທບແທ້ໆ ຫະຫະ... Samsung Galaxy S6 ມາພ້ອມກັບ Android 5.0.2 Lollipop ປັບແຕ່ງທັບດ້ວຍ TouchWiz UI ຮູບແບບໃຫມ່ ລຽບງ່າຍຍິ່ງຂຶ້ນ ເຖິງຂັ້ນຖຖອດລູກຫລີ້ນເກົ່າໆອອກຈົນຫມົດ ບໍ່ເຫລືອລູກຫລີ້ນ Guetures ຕ່າງໆທີ່ເຄີຍເປັນຈຸດເດັ່ນເລີຍ ເຊິ່ງຫລາຍໆຄົນກໍ່ຄົງຈະບໍ່ຄ່ອຍໄດ້ໃຊ້ກັນຢູ່ແລ້ວ ແຕ່ບາງຄົນກໍ່ໃຊ້ປັນປະຈຳ ກໍ່ຄືກັບຂ່າວທີ່ອອກມາແຕ່ຕອນຕົ້ນໆວ່າ TouchWiz UI ຂອງ Samsung ຈາກນີ້ໄປຈະລຽບງາຍຂຶ້ນ ແລະ ສາມາດຖອນການຕິດຕັ້ງແອັບຯຕ່າງໆທີ່ມາກັບເຄື່ອງໄດ້ອີກດ້ວຍ ໂດຍໃນ Samsung Galaxy S6 ກໍ່ໃສ່ແອັບຯມາໃຫ້ບໍ່ຫລາຍຄືແຕ່ກ່ອນ ເຊິ່ງເຮົາສາມາດເຂົ້າໄປໂຫລດມາໄດ້ເພີ່ມຈາກ Galaxy Apps. Touchwiz UI ຮູບແບບໃຫມ່ສາມາດປ່ຽນ Themes ໄດ້ແລ້ວ ແຖມຍັງດາວໂຫລດມາເພີ່ມໄດ້ອີກດ້ວຍ ມີ Themes ຈາກ Samsung ທີ່ຮອງຮັບຄວາມ ລະອຽດຫນ້າຈໍ QHD ໃຫ້ເລືອກຫລາກຫລາຍ ລວມທັງມີ Themes ເທ່ໆຢ່າງ Avenger 2 ອີກດ້ວຍ Smart Manager ຈະລວມການຕັ້ງຄ່າຈັດການສຳຄັນໃນເຄື່ອງເຮົາເອົາໄວ້ດ້ວຍກັນ ຫນ້າຕາລຽບງ່າຍຫນ້າໃຊ້ ຈະມີການຈັດການແບັດຯ, ຫນ່ວຍຄວາມຈຳພາຍໃນ, Ram ແລະ ຟັງຊັ່ນທີ່ທາງ Samsung ເຄີຍເອົາເປັນຈຸດຂາຍຢ່າງ KNOX ສຳລັບລະດັບອົງກອນ Samsung KNOX ອອກແບບມາດີຫລາຍ ເພື່ອຄວາມປອດໄພຂອງຂໍ້ມູນສ່ວນຕົວເປັນສຳຄັນ ຄວາມຈິງແລ້ວ UI ໃນໂຫມດ Samsung KNOX ກໍ່ສວຍງາມ ແລະ ຫນ້າໃຊ້ ສ່ວນສຳລັບຄວາມຈຳເປັນສຳລັບຜູ່ໃຊ້ທົ່ວໄປ ຄິດວ່າບາງຄົນຫນ້າຈະມັກ ໂກຍສະເພາະພວກທີ່ມີຄວາມລັບຫລາຍ ເພາະຖ້າບໍ່ຮູ້ລະຫັດຜ່ານແລ້ວຂໍ້ມູນສຳຄັນຂອງເຮົາ ຈະບໍ່ມີທາງຫລຸດອອກມາເລີຍ ເພາະໂຫມດ Samsung KNOX ແລະ ໂຫມດປົກະຕິນັ້ນແຍກອອກຈາກກັນໂດຍສົມບູນ. ນອກນັ້ນຍັງມີ Easy Mode ເຊິ່ງປັບປຸງມາໃຫ້ຫນ້າໃຊ້ດີຫລາຍຂຶ້ນ ຈະຊ່ວຍໃຫ້ຫນ້າຕາແອນດຣອຍປົກະຕິກາຍເປັນຫນ້າຕາແບບ Feature Phone ແຕ່ກໍ່ຍັງສາມາດໃຊ້ງານແອັບຯຕ່າງໆໄດ້ຢ່າງສະດວກ. ນອກນັ້ນ Multi Windows ກໍ່ຍັງຄົງມີໃຫ້ໃຊ້ງານ ເຊິ່ງເປັນການໃຊ້ງານ 2 ຫນ້າຈໍພ້ອມໆກັນສາມາດສະຫລັບຕຳແຫນ່ງ, ຫຍໍ້ ແລະ ຂະຫຍາຍຫນ້າຕ່າງໄດ້ຕາມໃຈມັກ ຮອງຮັບແອັບຯ ແລະ ຄຳສັ່ງຕ່າງໆໄດ້ຢ່າງຫລາກຫລາຍ ແລະ ສາມາດຫຍໍ້ຫນ້າຈໍທີ່ເຮົາໃຊ້ຢູ່ໃຫ້ກາຍມາເປັນຄຳສັັ່ງ Multi Window ໄດ້ໂດຍການລາກນີ້ວຈາກມຸມຫນ້າຈໍລົງມາເທົ່ານັ້ນເອງ ຊ່ວຍໃຫ້ການໃຊ້ງານເທິງສະມາດໂຟນຂອງ Samsung ສະດວກຂຶ້ນຫລາຍ ແຕ່ຈະແຕກຕ່າງຈາກແບບເກົ່າ ເພາະບໍ່ມີຄຳສັ່ງແຕະປຸ່ມ Back ຄ້າງເພື່ອເປີດແຖບໂຕເລືອກແອັບຯອີກຕໍ່ໄປແລ້ວ. Flipboard ຍັງຄົງມີມາໃຫ້ເຊັ່ນເຄີຍ (ຍັງຄົງບໍ່ຮອງຮັບ Feed ຂ່າວຂອງປະເທດໄທ) ສາມາດເລືອກທີ່ຈະສະແດງ ຫລື ປິດເອົາໄວ້ໄດ້ (ແຕະຄ້າງແລ້ວເລືອກປິດຫນ້າທີ່ເົຮາຕ້ອງການປິດໄດ້ເລີຍ) S Health ມີການພັດທະນາໃຫ້ດີຍິ່ງຂຶ້ນ ເພີ່ມລາຍລະອຽດໃນຊີວິດປະຈຳວັນ ແລະ ກິດຈະກຳການອອກກຳລັງກາຍທີ່ຫລາກຫລາຍຍິ່ງຂຶ້ນ ລວມທັງເລື່ອງອາຫານ ການດື່ມຄວບຄຸມຄາເຟອີນ, ຄວບຄຸມນ້ຳຫນັກ ແລະ ອັດຕາການເຕັ້ນຂອງຫົວໃຈ ເທົ່າທີ່ທີົດລອງວັດ Heart Rate ມີຄວາມຖືກຕ້ອງດີຫລາຍ ແລະ ໃຊ້ງານງ່າຍກວ່າເກົ່າ ເພາະພຶ້ນຜິວສະເຫມີກັບຝາຫລັງ ແລ້ວຊ່ວຍໃຫ້ແຕະໄດ້ຖະຫນັດມືຂຶ້ນ ແລະ ມີແນະນຳອຸປະກອນເສີມ ( ທັງຂອງ Samsung ແລະ ຕ່າງແບຣນ) ລວມທັງແອັບຯທີ່ S Health ຈະແນະນຳວ່າຄວນນຳມາໃຊ້ຮ່ວມກັນ. Fingerprint Sensor ປັບປຸງໃຫມ່ປ່ຽນຈາກລາກນີ້ວຜ່ານ ມາເປັນການແຕະຄືກັບ iOS ແລ້ວ ແລະ ທາງ Samsung ກໍ່ໄດ້ພັດທະນາລະບົບນີ້ຂຶ້ນມາເພື່ອຕອບຮັບບໍລິການ Samsung Pay ເຊິ່ງໃນຕອນນີ້ບ້ານເຮົາຍັງບໍ່ມີໃຫ້ບໍລິການ ແຕ່ໃນອະນາຄົດແນວໃດກໍ່ຫນ້າຈະໄດ້ໃຊ້ກັນແນ່ນອນ. Samsung Galaxy S6 ມາພ້ອມກັບກ້ອງຄວາມລະອຽດ 16MP, F 1.9 ແລະ ກ້ອງຫນ້າຄວາມລະອຽດ 5MP ຄຸນະພາບດີຫລາຍທັງກ້ອງຫນ້າ ແລະ ກ້ອງຫລັງ ມີໂຫມດຖ່າຍພາບໃຫ້ເລືອກໃຊ້ຫລາກຫລາຍ ແລະ ສາມາດດາວໂຫລດເພີ່ມໄດ້ອີກດ້ວຍ ໃນລຸ້ນນີ້ຍັງມີໂຫມດ HDR Auto ທີ່ສະຫລາດສຸດໆ ຊ່ວຍໃຫ້ທັງພາບຖ່າຍກາງເວັນ ແລະ ກາງຄືນ ໄດ້ຜົນລັບທີ່ສຸດຍອດທີ່ສຸດ ແລະ ໂຫມດໂປຣ ສາມາດປັບຄ່າ EV (+2 and -2), ISO (100-800), WB, ໄລຍະ, ປັບແຕ່ງໂທນສີມີໃຫ້ເລືອກ 6 ແບບ ແລະ ຕັ້ງຄ່າເອງໄດ້ອີກ 2 ແບບ, ຕັ້ວຄ່າສ່ວນຕົວໄດ້ທັງຫມົດ 3 ຊຸດ. ແລະ ລູກຫລີ້ນອີກຢ່າງທີ່ Samsung ແນະນຳຄື Virtual Shot ເຊິ່ງຈະແຕກຕ່ງຈາກການບັນທຶກເປັນວີດີໂອບ່ອນທີ່ເຮົາສາມາດຄວບຄຸມ ຫມຸນພາບໄດ້ດ້ວຍການປ່ຽນອົງສາຂອງໂຕເຄື່ອງໄດ້ເອງ ລອງຫລິ້ນກັນເບິ່ງ ຮັບຮອງວ່າຖືກໃຈແນ່ນອນ (ເຊິ່ງກ່ອນຫນ້ານີ້ກໍ່ມີແອັບຯແບບນີ້ອອກມາໃຫ້ຫລີ້ນກັນ ແຕ່ອັນນີ້ Samsung ໃສ່ມາໃຫ້ເລີຍ). ສຳລັບກ້ອງຫນ້າຖ່າຍອອກມາສວຍງາມຫລາຍ ລາຍລະອຽດດີ ສາມາດຖ່າຍມນທີ່ແສງຫນ້ອຍໄດ້ດີອີກດ້ວຍ ເຊິ່ງເປັນຈຸດເດັ່ນຂອງທາງ Samsung Galaxy S6 ແລະ Samsung Galaxy S6 Edge ສຳລັບ Beauty Mode ຈະປ່ຽນແປງໄປຈາກລຸ້ນກ່ອນໆ ເພາຈະປັບຄ່າໄດ້ 1-8 ເທົ່ານັ້ນຈະບໍ່ແຍກອອກເປັນສ່ວນໆແລ້ວ ເຊິ່ງເຫັນວ່າປັບງ່າຍຂຶ້ນ ແລະ ຜົນລັບອອກມາໄດ້ດີພໍສົມຄວນເລີຍ. ຕົວຢ່າງພາບຖ່າຍຈາກ Samsung Galaxy S6 ຂໍ້ດີຂອງ Samsung Galaxy S6 ຕົວເຄື່ອງອອກແບບສວຍງາມຫລາຍ ຍົກລະດັບມາດຕະຖານຂອງ Samsung ໄປອີກລະດັບ. ວັດສະດຸເຄື່ອງພຣີມ້ຽມ ທັງໂລຫະ ແລະ ກະຈົກ Gorilla Glass4 ທັງດ້ານຫນ້າ ແລະ ດ້ານຫລັງ. ສະເປັກແຮງຫລາຍ ຢູ່ໃນລະດັບແຖວຫນ້າໃນຕອນນີ້. ເຕັມໄປດ້ວຍຟັງຊັ່ນທີ່ຫນ້າສົນໃຈ Heart Rate, Fingerprint Sensor (PayPal Certified) ແບບໃຫມ່, Samsung Pay (Visa, MasterCard certified), Wireless Charging. Android 5.0.2 Lollipop ປັບແຕ່ງທັບດ້ວຍ TouchWiz UI ຮູບບແບບໃຫມ່. ກ້ອງຄຸນນະພາບດີຫລາຍ ທັງກ້ອງຫນ້າ ແລະ ກ້ອງຫລັງ ຖ່າຍພາບອອກມາໄດ້ສຸດຍອດທັງກາງເວັນ ແລະ ກາງຄືນ. ຂໍ້ດ້ອຍຂອງ Samsung Galaxy S6 ໂຕເຄື່ອງເປັນແກ້ວ ເລີຍ້ໍເປັນຄາບນີ້ວມືໄດ້ງ່າຍ ແກະຝາຫລັງ ແລະ ປ່ຽນແບັດຯເອງບໍໄດ້. ເພີ່ມຫນ່ວຍຄວາມຈຳພາຍນອກບໍ່ໄດ້. ຕ້ອງບອກວ່າຂໍແນະນຳເລີຍສຳລັບມາດຕະຖານໃຫມ່ຂອງ Samsung ທັງ Samsung Galaxy S6 ແລະ Samsung Galaxy S6 Edge ເປັນສະມາດໂຟນທີ່ດີຫລາຍ ທັງສວຍງສມ ແລະ ເຕັມໄປດ້ວຍຄຸນນະພາບ ລວມທັງປະສິດທິພາບທີ່ຢູ່ໃນລະດັບແນວຫນ້າໃນຕອນນີ້ ແລະ ທີ່ປະທັບໃຈເປັນພິເສດ ຄືເລື່ອງຂອງກ້ອງຄຸນນະພາບດີຫລາຍແທ້ໆ ທັງພາບກາງເວັນ ແລະ ກາງຄືນ ບໍ່ຕ້ອງເປັນຫ່ວງເລີຍ ໄຜທີ່ມີງົບບໍ່ຈຳກັດ ແລະ ມັກແອນດຣອຍ ແນະນຳວ່າຄວນມີລຸ້ນໃດລຸ້ນຫນຶ່ງໃນ ສອງລຸ້ນນີ້ໄວ້ໃນຄອບຄອງຢ່າງຍິ່ງເລີຍ :D ຕົ້ນສະບັບພາສາໄທ >> รีวิว Samsung Galaxy S6 มาตรฐานใหม่ที่น่าประทับใจอย่างเหลือเชื่อ!!!

samsung galaxy s6 review

ຣີວິວ Samsung Galaxy S6 ມາດຕະຖານໃຫມ່ທີ່ຫນ້າປະທັບໃຈ ຢ່າງເຫລືອເຊື່ອ!!!