คุณกำลังอ่าน
ຣີວິວ Sony SmartBand Talk SWR30 ສາຍຮັດຂໍ້ມືອັດສະລິຍະ ຫນ້າຈໍ e-paper ພ້ອມຟັງຊັ່ນການໂທ + ກັນນ້ຳໄດ້

ຣີວິວ Sony SmartBand Talk SWR30 ສາຍຮັດຂໍ້ມືອັດສະລິຍະ ຫນ້າຈໍ e-paper ພ້ອມຟັງຊັ່ນການໂທ + ກັນນ້ຳໄດ້

Avatar

อ่านรีวิวภาษาไทย >> รีวิว Sony SmartBand Talk SWR30 หน้าจอ e-paper มาพร้อมการโทรได้ แบตฯอึด และกันน้ำ ในราคา 5,990 บาท

ກອ່ນອື່ນຂໍສະຫລຸບກ່ອນຣີວິວເລີຍວ່າ “Sony SmartBand Talk” ນັ້ນຫນ້າປະທັບໃຈຕັ້ງແຕ່ເລີ່ມສຳຜັດເລີຍ ເປັນ SamartBand ທີ່ພັດທະນາອອກມາຢ່າງລົງໂຕຫລາກຫລາຍດ້ວຍຄວາມສາມາດ ມາພ້ອມກັບຫນ້າຈໍ e-paper ເຮັດໃຫ້ສະບາຍຕາໃນການໃຊ້ງານ ສູ້ແສງແດດ ແລະ ປະຫຍັດແບັດຯ ນອກຈາກແທັກກາຍເຄື່ຶນໄຫວ ການອອກກຳລັງກາຍໃນແຕ່ລະວັນແລ້ວ ຍັງສາມາດແຈ້ງເຕືອນຕ່າງໆ ທັງການໂທ, ຂໍ້ຄວາມ ແລະ ສັງຄົມອອນໄລໄດ້ສົມບູນ ສ່ວນຄຳວ່າ Talk ນັ້ນໃນຊື່ລຸ້ນກໍ່ບໍ່ໄດ້ເອົາມາແປະໄວ້ເທ່ໆເທົ່ານັ້ນ ເພາະມັນສາມາດເວົ້າໂທລະສັບໄດ້ ທັງລັກສະນະການຮັບສາຍ ຫລື ວ່າໂທອອກ ເທ່ໄປເລີຍແມ່ນບໍ!! ຄຸນສົມບັດສຸດທ້າຍທີ່ສຳຄັນກໍ່ຄື Sony SmartBand Talk ກັນນ້ຳໃນລະດັບ IP68 ໃສ່ຕາກຝົນ ຫລື ອາບນ້ຳໄດ້ສະບາຍເລີຍ ສຳລັບລາຄາຢູ່ໃນລະດັບກາງໆ ໄຜທີ່ມັກໃນການຫລີ້ນ SmartBand ຢູ່ແລ້ວອາດຈະຮູ້ສຶກວ່າລາຄາຖືກ ແຕ່ສຳລັບຄົນທີ່ຕັດສິນໃຈຊື້ໃນຄັ້ງທຳອິດກໍ່ຕ້ອງຄິດວ່າແພງໄປແນ່ນອນ ເຊິ່ງລາຄາກໍ່ແມ່ນ 5.990 ບາດ ຫລື ປະມານ 1.497.000 ກີບ ສ່ວນລາບ/ະອຽດທັງດ້ານດີ ແລະ ດ້າຍເສຍເປັນແບບໃດ ເຮົາມາອ່ານເບິ່ງຣີວິວກັນເລີຍ ^-^

Sony SmartBand Talk SWR30  reviews thailand  (9)

 

ໂຕເຄື່ອງແລະ ການອອກແບບ

Sony SmartBand Talk ມາພ້ອມກັບຈໍສະແດງຜົນ e-paper ຫລື e-ink ຂາວດຳຂະຫນາດ 1.4 ນີ້ວຄວາມລະອຽດ 296×128 pixels 192 dpi ສາມາດເລືອກໃນການຕັ້ງຄ່າໄດ້ວ່າຈະໃຫ້ສະແດງຜົນຫນ້າຈໍພື້ນຫລັງສີຂາວ ຫລື ດຳ.

Sony SmartBand Talk SWR30  reviews thailand  (24)

ໂຕເຄື່ອງມີຂະຫນາດກວ້າງ 23.5 ມມ, ຫນາ 9.5 ມມ ແລະ ມີນ້ຳຫນັກ 24 ກຣາມເຊິ່ງພໍດີກັບການໃຊ້ງານທີ່ສຸດ.

Sony SmartBand Talk SWR30  reviews thailand  (23)

ດ້ານຂ້າງຈະມີປຸ່ມຄວບຄຸມສອງປຸ່ມ ອັນຫນຶ່ງເປັນໂຕຄວບຄຸມຫລັກ ເອົາໄວ້ສຳລັບປ່ຽນ ຫລື ເອີ້ນໃຊ້ຟັງຊ່ນຕ່າງໆ ແລະ ກົດເພື່ອປະຕິເສດສາຍສົນທະນາ ອີກປຸ່ມທີ່ຍາວກວ່າເປັນປຸ່ມເພີ່ມ ແລະ ລົດສຽງ.

Sony SmartBand Talk SWR30  reviews thailand  (20)

ການຄວບຄຸມຫລັກນອກຈາກ 2 ປຸ່ມເບື້ອງຕົ້ນນັ້ນກໍ່ຄືການເຄາະທີ່ຫນ້າຈໍ (ເຄາະແຮງໆແດ່) ເປັນການເລືອກໃຊ້ງານຟັງຊັ່ນຕ່າງໆນັ້ນເອງ ເຊັ່ນ: ການເອີ້ນໃຊ້ກ້ອງ, ການກົດປຸ່ມຊັດເຕີ້, ການຮັບສາຍ, ການບັນທຶກສຽງ ແລະ ອື່ນໆ.

Sony SmartBand Talk SWR30  reviews thailand  (13)

ຫມຸດ ແລະ ຮູສຳລັບປັກຫມຸດເພື່ອລ໊ອກຂໍ້ມືແຂງແຮງ ແລະ ອອກແບບໄດ້ສວຍງາມດີຫລາຍ ບໍ່ຫລຸດງ່າຍ ມີຮູໄວ້ພຽງພໍສຳລັບທຸກຂະຫນາດຂໍ້ມື.

Sony SmartBand Talk SWR30  reviews thailand  (22)

Sony SmartBand Talk SWR30  reviews thailand  (19)

ຊ່ອງສຳລັບສາກແບັດຯ Micro USB.

Sony SmartBand Talk SWR30  reviews thailand  (27)

ກ່ອງບັນຈຸ ແລະ ຂອງທີ່ໃຫ້ມາໃນກ່ອງ ໄດ້ແກ່ Sony SmartBand Talk SWR30 ແລະ ສາຍຮັດຂໍ້ມື 2 ສາຍ ( ສາຍນ້ອຍ-ໃຫຍ່)

Sony SmartBand Talk SWR30  reviews thailand  (33)               Sony SmartBand Talk SWR30  reviews thailand  (32)              Sony SmartBand Talk SWR30  reviews thailand  (31)

 

ສະເປັກເຄື່ອງ Sony SmartBand Talk

Sony SmartBand Talk SWR30  reviews thailand  (28)

ຮອງຮັບລະບົບປະຕິບັດການ Android 4.4 Kitkat ຂຶ້ນໄປ.

ເຊັນເຊີ້: ລະບົບກວດຈັບຄວາມເຄື່ອນໄຫວຂອງໂຕເຄື່ອງ ແລະ ມາດວັດລະດັບຄວາມສູງ.

ຂະຫນາດ: ກວ້າງ 23.5 ມມ, ຫນາ 9.5 ມມ.

ນ້ຳຫນັກ: 24 ກຣາມ.

ຈໍສະແດງຜົນ: E-Ink ຂາວດຳ 1.4 ນີ້ວ ຄວາມລະອຽດ 296×128 pixels 192 dpi.

ສີ: ດຳ ແລະ ຂາວ

ກັນນ້ຳ: ເລິກ 1.5 ແມັດ ລະດັບການປ້ອງກັນ IP68

ການເຊື່ອມຕໍ່: Bluetooth® 3.0, Micro USB

ປຸ່ມ ແລະ ການຄວບຄຸມ:

  • ປ້ອນຄຳສັ່ງດ້ວຍສຽງ ການແຕະ ແລະ ລາກສຳຜັດ.
  • ໄມໂຄຣໂຟນ.
  • ປຸ່ມເປີດ-ປິດ.

ແບັດເຕີລີ້: 70 mAh (ໃຊ້ໄດ້ດົນເຖິງ 3 ວັນ)

ອຸປະກອນໃນກ່ອງ:

  • SmartBand Talk SWR30
  • ສາຍຮັດຂໍ້ມື 2 ສາຍ (ສາຍນອ້ຍ-ໃຫຍ່)

ຟີເຈີ້ເດັ່ນ ແລະ ຄວາມສາມາດທີ່ຫນ້າສົນໃຈ

 

ສຳລັບ Sony SmartBand Talk SWR30 ເຄື່ອງນີ້ຫລາຍຄົນອາດຈະຄິດວ່າຫນ້າຈໍ e-paper ຫລື e-ink ຫນ້າຈະມີຄວາມສາມາດທີ່ຈຳກັດ ເຮັດໄດ້ພຽງແຕ່ການຈັບຄວາມເຄື່ອນໄຫວອື່ນໆເລັກນອ້ຍເທົ່ານັ້ນ ແຕ່ມັນບໍ່ໃຊ່ເລີຍ ອະຮາ…(ເຮັດສຽງຫລໍ່..ຫະຫະຫະ…) ເພາະ Sony SmartBand Talk SWR30 ມີຄວາມສາມາດທຽບເທົ່າ SmartWatch ລຸ້ນອື່ນໆເລີຍກໍ່ວ່າໄດ້.

 

ການກວດຈັບການເຄື່ອນໄຫວ

Sony SmartBand Talk ສາມາດກວດຈັບການແລ່ນ, ຍ່າງ, ນັບກ້າວ ຫລື ແມ່ນແຕ່ການນອນຂອງເຮົາໄດ້ເລີຍ.

Sony SmartBand Talk SWR30  reviews thailand  (14)

ໂດຍສະເພາະເມື່ອເຮັດວຽກກັບແອັບຯ Lifelog ກໍ່ຍິ່ງຈະດຶງຄວາມສາມາດອອກມາໄດ້ຫລາຍຂຶ້ນ ໂດຍສາມາດບອກເຮົາໄດ້ວ່າ ໃນແຕ່ລະວັນ ແຕ່ລະອາທິດ ຫລື ແຕ່ລະປີ ເຮົາເຮັດກິດຈະກຳໃດໄປແດ່ ເຊິ່ງໂຕແອັບຯຈະອາໄສຂໍ້ມູນຈາກ Sony SmartBand Talk ປະສານກັບຄວາມສາມາດຂອງແອັບຯເອງ ບອກຂໍ້ມູນການເຜົາຜານແຄຣໍລີ້, ການນັບບາດຍ່າງ, ເວລາທີ່ຍ່າງທັງຫມົດ, ເວລາລວມທີ່ເຮົາແລ່ນ, ເວລາລວມການນອນ, ການຂີ່ລົດຖີບ, ການໃຊ້ລົດໂດຍສານສາທາລະນະ, ການຕິດຕໍ່ສື່ສານກັບຄົນອື່ນ, ການຖ່ຍຮູບ, ການຟັງເພັງ, ການເບິ່ງຫນັງ, ການຫລີ້ນເກມ, ການອ່ານຫນັງສື ແລະ ການຫລີ້ນອິນເຕີເນັດ ເຊິ່ງຂໍ້ມູນເຫລົ່ານີ້ສາມາດເຂົ້າໄປຈັດການໄດ້ວ່າຈະໃຫ້ສະແດງອັນໃດແນ່.

 

Screenshot_2015-02-18-07-27-41              Screenshot_2015-02-18-18-26-26               5093

5092               5091               5090

5088              5087               5086

 

ສຳລັບການໃຊ້ງານທີ່ຫນ້າສົນໃຈຂອງແອັບຯ Lifelog ໂຕຫນຶ່ງກໍ່ຄື ການຍ້ອນເວລາກັບໄປເບິ່ງໄດ້ວ່າເຮົາເຮັດກິດຈະກຳຫຍັງໄປແດ່ ໃນຊ່ວງຕ່ງໆທີ່ຜ່ານມາແລ້ວ ພຽງແຕ່ເລື່ອນແຖບດ້ານເທິງຂອງແອັບຯກໍ່ພໍ.

 

ການຄວບຄຸມສະມາດໂຟນ ແອນດຣອຍ

 

Sony SmartBand Talk ເມື່ອເຮັດວຽກຄູ່ກັບແອັບຯ SmartBand Talkເຊິ່ງມີຢູ່ໃນ Google Play Store ຢູ່ແລ້ວເຮົາກໍ່ຈະສາມາດລົງແອັບຯໃນ Sony SmartBand Talk ໂຕນີ້ໄດ້ເລີຍ ເຊິ່ງມີແອັບຯຫລັກໆໄດ້ແກ່.

Sony SmartBand Talk SWR30  reviews thailand  (34)

 

  • Fine phone: ສັ່ງໃຫ້ສະມາດໂຟນເຄື່ອງທີ່ເຊື່ອມຕໍ່ຢູ່ກັບ Sony SmartBand Talk ຮ້ອງເພື່ອແຈ້ງຕຳແຫນ່ງໃຫ້ເຮົາ.
  • Call Favorite: ໂທອອກ ແລະ ຮັບສາຍເບີທີ່ສຳຄັນຜ່ານ Sony SmartBand Talk ໄດ້ເລີຍ.
  • Action Camera Extention: ສາມາດໃຊ້ Sony SmartBand Talk ຄວບຄຸມກ້ອງໃນລັກສະນະຣີໂຫມດໄດ້ທັງການຖ່າຍພາບ ແລະ ວີດີໂອ.
  • Voice Control: ຄວບຄຸມ Sony SmartBand Talk ທັງການສອບຖາມສະພາບອາກາດ ການສັ່ງໃຫ້ໂທອອກ, ການເບິ່ງປະຫວັດການໂທ, ການເບິ່ງເວລາ ແລະ ອື່ນໆ.
  • Media Player Control: ຟັງຊັ່ນນີ້ເປັນການສັ່ງໃຫ້ຫລີ້ນເພັງ, ຫຍຸດເພັງ, ການເພີ່ມ ລົດສຽງນັ້ນເອງ.
  • Smart Camera: ສາມາດເອີ້ນໃຊ້ຟັງຊັ່ນກ້ອງ ແລະ ຄວບຄຸມປຸ່ມຊັດເຕີ້ຂອງກ້ອງຖ່າຍຮູບ ແລະ ວີດີໂອ.
  • Calendar: ສຳລັບການເບິ່ງປະຕິທິນ ແລະ ການແຈ້ງເຕືອນເຫດການສຳຄັນ ແລະ ງານທີ່ເຮົາຕັ້ງເຕືອນໄວ້.
  • Life Biikmark: ເປັນຟັງຊັ່ນການບັນທຶກສຽງຈາກ Sony SmartBand Talk ໂດຍສະເພາະໃນຊ່ວງເວລາສຸກເສີນ ເຊິ່ງບັນທຶກໄດ້ປະມານ 12 ວິນາທີ.

Screenshot_2015-02-18-19-18-14              Screenshot_2015-03-04-09-20-14              Screenshot_2015-02-24-16-53-27

Screenshot_2015-03-04-09-20-20               Screenshot_2015-02-22-17-05-02               Screenshot_2015-02-22-17-05-02

Screenshot_2015-02-18-07-27-28               Screenshot_2015-02-18-07-27-23               Screenshot_2015-02-18-07-25-43

Screenshot_2015-02-18-07-27-01               Screenshot_2015-02-18-07-27-13               Screenshot_2015-02-18-07-25-49

Screenshot_2015-02-18-07-26-12               Screenshot_2015-02-18-07-26-16

 

ນອກຈາກນີ້ແອັບຯທີ່ຕິດມາກັບ Sony SmartBand Talk ເຫລົ່ານີ້ກໍ່ຍັງຮອງຮັບແອັບຯອື່ນໆໃນ Google Play Store ເພີ່ມຕື່ມໄດ້ອີກ ເຜື່ອໃນອະນາຄົດຈະມີນັກພັດທະນາສ້າງແອັບຯຂຶ້ນມາເພີ່ມຕື່ມອີກ.

 

ການແຈ້ງເຕືອນ

ສຳລັບການແຈ້ງເຕືອຍກໍ່ຈັດມາເຕັມທີ່ ມີທັງການແຈ້ງເຕືອນຈາກ Facebook, Facebook Messenger, E-mail, ຂໍ້ຄວາມ, ການໂທເຂົ້າ-ອອກ ແລະ ອື່ນໆ ແຕ່ຫນ້າເສຍດາຍທີ່ແຈ້ງເຕືອນພວກ Line ຫລື ແອັບຯສົຮທະນາອື່ນໆບໍ່ໄດ້.

Sony SmartBand Talk SWR30  reviews thailand  (25)

Sony SmartBand Talk SWR30  reviews thailand  (26)

 

ປະສົບການໃຊ້ງານ

 

ສຳລັບການໃຊ້ງານ Sony SmartBand Talk ໂຕນີ້ຖືວ່າປະທັບໃຈຫລາຍ ໂດຍສະເພາະການແຈ້ງເຕືອນທີ່ຊ່ວຍຫລຸດຜ່ອນການຍົກສະມາດໂຟນຂຶ້ນມາເຊັກເບິ່ງການແຈ້ງເຕືອນໄດ້ຫລາຍ ເວົ້າໄດ້ວ່າລົດສັງຄົມກົ້ມຫນ້າ ແລະ ຖະຫນອມສາຍຕາໄດ້ຫລາຍຂຶ້ນ ໂດຍສະເພາະຫນ້າຈໍ e-paper ເຊິ່ງເປັນຫນ້າຈໍທີ່ຖະຫນອມສາຍຕາໄດ້ຫລາຍທີ່ສຸດໃນຕອນນີ້ແລ້ວ.

Sony SmartBand Talk SWR30  reviews thailand  (8)

 

ນອກຈາກເລື່ອງຂອງການຖະຫນອມສາຍຕາແລ້ວ e-paper ຍັງສູ້ແສງໄດ້ດີ ແລະ ປະຫຍັດແບັດຯຫລາຍ ແຕ່ກໍ່ມີຂໍ້ເສຍທີ່ສຳຄັນຄື ບໍ່ສາມາດເບີ່ງເຫັນໄດ້ດີໃນທີ່ມືດ ເຊິ່ງກໍ່ຄືກັບເຮົາແນມເບິ່ງເຈ້ຍໃນບ່ອນມືດໆຫັ່ນແຫລະ.

คัดมาเพื่อคุณ

Sony SmartBand Talk SWR30  reviews thailand  (2)

 

ແບັດຯ 70 mAh ຂອງ Sony SmartBand Talk ຢູ່ໄດ້ 3 ມື້ພໍດີເປະເລີຍ ສ່ວນການສາກແບັດຯກໍ່ເຕັມໄວຫລາຍ ເພາະມັນມີຄວາມຈຸພຽງແຕ່ 70 mAh ເທົ່ານັ້ນ.

Sony SmartBand Talk SWR30  reviews thailand  (1)

 

ສຳັລບການແຈ້ງເຕືອນຢ່າງທີ່ໄດ້ເວົ້າໄປສາມາດແຈ້ງເຕືອນໄດ້ທັງ Facebook, Facebook Messenger, E-mail, ຂໍ້ຄວາມ, ການໂທເຂົ້າ-ອອກ ແລະ ອື່ນໆ ແຕ່ຫນ້າເສຍດາຍທີ່ແຈ້ງເຕືອນ Line ຫລື ແອັບຯສົນທະນາອື່ນໆບໍ່ໄດ້ ນອກຈາກນີ້ເມື່ອເຮົາເຄາະທີ່ຫນ້າຈໍເພື່ອອ່ານການແຈ້ງເຕືອນຕ່າງໆນັ້ນ ກໍ່ອ່ານລຳບາກເພາະຫນ້າຈໍມັນເປັນແນວນອນ ຫັນເຂົ້າຫລືອອກຈາກໂຕເຮົາ (ເລືອກຕັ້ງຄ່າໄດ້ວ່າຈະໃຫ້ຫັນເຂົ້າ ຫລື ຫັນອອກ) ແຕ່ກໍ່ມີວິທີແກ້ທີ່ຫລາຍຄົນເຮັດຄື ໃສ່ແບບຫັນຫນ້າຈໍເຂົ້າດ້ານໃນຂໍ້ມື ເຊິ່ງກໍ່ເທ່ໄປອີກແບບ…

Sony SmartBand Talk SWR30  reviews thailand  (6)

Sony SmartBand Talk SWR30  reviews thailand  (7)

 

ສຳລັບການແຈ້ງເຕືອນອອີກຢ່າງທີ່ຫນ້າສົນໃຈຄື “ໂມງປຸກ” ນັ້ນເອງ ຖ້າວ່າເຮົາໃສ່ຂໍ້ມືເອົາໄວ້ຕັ້ງປຸກ ແລ້ວກໍ່ນອນ ຮັບຮອງໄດ້ເລີຍວ່າຕ້ອງຕື່ນແນ່ນອນ ບໍ່ວ່າຈະເປັນຄົນນອນຕື່ນຍາກປານໄດ້ກໍ່ຕາມ ເພາະມັນຈະສັ່ນທີ່ຂໍ້ມືເຮົາແຮງສຸດໆໄປເລີຍ.

 

ການໂທເຂົ້າ ແລະ ອອກ ສຳລັບຟັງຊັ່ນການໂທນັ້ນຈະຈຳັກດຢູ່ສະເພາະເບີໂທທີ່ເຮົາປັກຫມຸດໄວ້ເປັນຄົນພິເສດຜ່ານແອັບຯ Call Favorite ເທົ່ານັ້ນ ໂດຍເຮົາສາມາດປັກຫມຸດໄວ້ໄດ້ສູວສຸດ 9 ເບີເພາະ Sony SmartBand Talk ມັນຮອງຮັບສູງສຸດໄດ້ 10 ແອັບຯແຕ່ໂຕແອັບຯໂມງຖືກລ໊ອກເອົາໄວ້ແລ້ວ ພື້ນທີ່ວ່າງເຮົາກໍ່ເລີຍເຫລືອແຕ່ 9 ບ່ອນ ຂຶ້ນຢູ່ວ່າເຮົາຈະຈັດການວາງແອັບຯຫຍັງເອົາໄວ້ແດ່? ຖ້າເຮົາໃສ່ເບີໂທເອົາໄວ້ 9 ເບີ ກໍ່ຈະບໍ່ເຫລືອບ່ອນວ່າງໃຫ້ໃສ່ແອັບຯອື່ນໆເລີຍ. ສ່ວນປະສົບການທີ່ລອງໃຊ້ການໂທ ສຽງລຳໂພງຈາກ SmartBand ໂຕນີ້ຊັດເຈນດີ ແຕ່ໄມ ຫລື ສຽງທີ່ຄົນຮັບໄດ້ຍິນສຽງຈະແປກໆຫນ່ອຍຫນຶ່ງ ຮູ້ໄດ້ເລີຍວ່າບໍ່ໄດ້ໃຊ້ໂທລະສັບ ແຕ່ກໍ່ສື່ສານໄດ້ຊັດເຈນດີ ແລະ ເທ່ອີກຕ່າງຫາກ :D

Sony SmartBand Talk SWR30  reviews thailand  (17)

 

ການກວດຈັບການເຄື່ອນໄຫວນັ້ນ ລຳພັງພຽງແຕ່ SmartBand ນັ້ນມີຄວາມຖືກຕ້ອງສູງ ແຕ່ເມື່ອເຮົາເຊື່ອມຕໍ່ກັບສະມາດໂຟນ ມັກຈະໃຊ້ຟັງຊັ່ນຂອງສະມາດໂຟນເຂົ້າມາຊ່ວຍໃນການຈັບການເຄື່ອນໄຫວ ເັຮດໃຫ້ຫລຸດຄວາມຖືກຕ້ອງລົງໄປຫລາຍເລີຍ ຕົວຢ່າງ: ຢູ່ເທິງລົດໃນຊ່ວງທີ່ລົດແລ່ນຊ້າໆ ຫາກວ່າເຮົາເຊື່ອມຕໍ່ກັບສະມາດໂຟນ ບາງຄັ້ງມັນຈະຄິດວ່າເຮົາແລ່ນ ຫລື ຍ່າງຢູ່ ແຕ່ເມື່ອເຮົາປິດການເຊື່ອມຕໍ່ ມັນຈະຖືກຕອ້ງຫລາຍກວ່າ ແລະ ແຈ້ງກັບມາວ່າຕອນນີ້ກຳລັງໂດຍສານສາທາລະນະຢູ່ (ຢືນຢູ່ເສີຍໆ) ແລະ ຫາກວ່າລອງເຂົ້າໄປເບິ່ງຂໍ້ມູນໃນແອັບຯ Lifelog ຍ້ອນຫລັງຍິ່ງຈະເຫັນວ່າມັນບໍ່ຖືກຕອ້ງຢ່າງຊັດເຈນ ຢ່າງເຊັ່ນວ່າເຮົາບໍ່ມີລົດຖີບຈັກຄົນພັດແຈ້ງກັບມາວ່າເດືອນນີ້ເຮົາປັ່ນລົດຖີບໄປແລ້ວ 20 ນາທີເປັນຕົ້ນ.

Sony SmartBand Talk SWR30  reviews thailand  (4)

Sony SmartBand Talk SWR30  reviews thailand  (5)

 

ການກວດຈັບການເຄື່ອນໄຫວ ໃນແຕ່ລະວັນຖ້າຫາກເົຮາຍ່າງ ຫລື ແລ່ນຄົບຕາມມາດຕະຖານທີ່ລະບົບຕັ້ງເອົາໄວ້ືກໍ່ຈະມີການແຈ້ງເຕືອນກັບມາອີກດ້ວຍ ເຮັດໃຫ້ເົຮາດີໃຈ ແລະ ເປັນການສ້າງກຳລັງໃຈໃນການອອກກຳລັງກາຍໄດ້ດີອີກດ້ວຍ.

Sony SmartBand Talk SWR30  reviews thailand  (3)

 

ສ່ວນປະສົບການທີ່ກ່ຽວກັບໂຕເຄື່ອງ SmartBand ຫລື ດ້ານ Hardware ນັ້ນບອກເລີຍວ່າປະທັບໃຈຫລາຍ ມີຄວາມສວຍງາມ ປຸ່ມຕ່າງໆແຫນ້ນຫນາດີ ການອອກແບບພໍດີກັບຂໍ້ມື ຫມຸດທີ່ໃຊ້ຮັດຂໍ້ມືກໍ່ແຂງແຮງຍຶດກັນໄວ້ໄດ້ແຫນ້ນຫນາ ສຳລັບຣີວິວຕ່າງປະເທດໄດ້ແຈ້ງວ່າເປັນຮອຍໄດ້ງ່າຍ ແຕ່ເທົ່າທີ່ໄດ້ໃຊ້ງານມາກໍ່ຍັງບໍ່ພົບວ່າມີຮອຍໃດໆເລີຍ.

Sony SmartBand Talk SWR30  reviews thailand  (10)

 

[toggle_box title=”ສະຫລຸບການຮີວິວ ພ້ອມກັບຂໍ້ດີ ແລະ ຂໍ້ເສຍຂອງ Sony SmartBand Talk” width=”Width of toggle box”][/toggle_box]

ຢ່າງທີ່ໄດ້ເວົ້າໄປຕັ້ງແຕ່ຕົ້ນ Sony SmartBand Talk ຖືວ່າສ້າງຄວາມປະທັຍໃຈຫລາຍສະເປັກບອກວ່າຮອງຮັບສຳລັບອຸປະກອນແອນດຣອຍທຸກລຸ້ນ ແຕ່ຫາກຈະຊື້ແທ້ໆ ຄວນຂະເຊັກເບິ່ງໃຫ້ດີກ່ອນ ເພາະທົດສອບລ້ວພົບວ່າບາງເຄື່ອງໃຊ້ໄດ້ ແຕ່ບາງລຸ້ນນັ້ນພັດໃຊ້ບໍ່ໄດ້ ສ່ວນລາຄາທີ່ແຈ້ງໄວ້ໄປຕັ້ງແຕ່ຕົ້ນວ່າ 5.990 ອັນນີ້ກໍ່ແລ້ວແຕ່ຮ້ານ ເພາະບາງຮ້ານອາດສູງ ຫລື ຕ່ຳກວ່ານີ້ຫລາຍ.

Sony SmartBand Talk SWR30  reviews thailand  (21)

 

ຂໍ້ດີ Sony SmartBand Talk

  1. ຫນ້າຈໍ e-peper ທີ່ສູ້ແສງ ຖະຫນອມສາຍຕາ ແລະ ປະຫຍັດແບັດຯ
  2. ແບັດຯຢູ່ໄດ້ດົນເຖິງ 3 ວັນ
  3. ສາມາດໂທອອກ ແລະ ຮັບສາຍໄດ້ (ກົດປະຕິເສດສາຍໄດ້ດ້ວຍ)
  4. ຟີເຈີ້ຫລາກຫລາຍ ເຊັ່ນ: ຄວບຄຸມກ້ອງ, ຄວບຄຸມເພັງ, ສັ່ງງານດ້ວຍສຽງ, ບັນທຶກສຽງ ແລະ ອື່ນໆອີກຫລາຍ
  5. ການອກແບບທີ່ສວຍງາມ ເທ່ ແລະ ຫນ້າໃຊ້ງານ.
  6. ກັນນ້ຳທີ່ລະດັບຄວາມເລິກ 1.5 ມ. ລະດັບການປ້ອງກັນ IP68

 

ຂໍ້ເສຍຂອງ Sony SmartBand Talk

  1. ຫນ້າຈໍ e-paper ເບິ່ງໃນທີ່ມຶມືດຍາກ
  2. ການໂທອອກ ແລະ ຮັບສາຍຈຳກັດສະເພາະເບີພິເສດທີ່ເຮົາຕັ້ງໄວ້ ແຕ່ການປະຕິເສດເຮັດໄດ້ທຸກສາຍສົນທະນາ
  3. ຄວາມຖືກຕ້ອງໃນການກວດຈັບຄວາມເຄື່ອນໄຫວຫນ້ອຍເມື່ອເຊື່ອມຕໍ່ກັບສະມາດໂຟນ.

 

[gradeB]

 

อ่านร๊วิวภาษาไทย >> รีวิว Sony SmartBand Talk SWR30 หน้าจอ e-paper มาพร้อมการโทรได้ แบตฯอึด และกันน้ำ ในราคา 5,990 บาท

View Comments (0)

Leave a Reply